नेपालमा पहिलो पटक कोरोना संक्रमित सैनिक जवानको मृत्यु, मृत्यु पछि कोरोना पुष्टि

काठमाडौं । नेपालमा पहिलो पटक सैनिक जवानको कोरोना संक्रमणबाट मृत्यु भएको छ । सेनामा कार्यरत जवानमा मृत्युपछि कोरोना संक्रमण पुष्टि भएको हो ।

मृत्यु भएका सेनाका जवानको स्थायी घर रामेछाप भएको र उनी काठमाडौंमा कार्यरत थिए । भाद्र २९ गते मृत्यु भएका उनले ब्लड क्यान्सरको उपचार गराइरहेका थिए । मृत्युपछि गरिएको परीक्षणमा उनमा कोरोना संक्रमण पुष्टि भएको बताईएको छ ।

नेपाली सेनामा पहिलो पटक कोरोना संक्रमित ३४ वर्षीय जवनाको मृत्यु भएको नेपाली सेनाले जनाएको छ ।

नेपाली सेनामा कोरोना संक्रमितको संख्या अहिले २ हजार ५६ जना पुगेको छ ।