चार दिनदेखि हराएका स्वास्थ्यकर्मीको शव तिलोत्तमामा भेटियाे

बुटवल । बुटवलमा बिहिवार राती देखि बेपत्ता भएका सिनियर अहेब बिष्णु प्रसाद नेपाल मृत अवस्थामा फेला परेका छन ।

सुद्धोधन गाउँपालिका–४ का ४४ वर्षीय नेपाल मोतिपुर प्राथमिक स्वास्थ्य केन्द्रमा सिनियर अहेबको रुपमा कार्यरत नेपाल तिलोत्तमा नगरपालिका वडा नं १५ बिहुलीमा स्थानीय कुलोको छेवैमा मृत अवस्थामा फेला परेको तिलोत्तमा नगरपालिकाका प्रवक्ता सुरेन्द्र श्रीले बताए ।

स्थानीयले मृत पुरुषको शव फेला पारेपछि प्रहरी बोलाईएको र उक्त शव बिष्णु नेपालकै भएको सनाखत भई सकेको उनले बताए ।

नेपाल बिहीबार राति १२ः १५ बजे बुटवल उपमहानगरपालिका–९ स्थित होटल पार्क प्लाजाबाट लु २० प ४०६७ नं.को मोटरसाइकलमा निस्केकोमा घरमा नगई बेपत्ता भएका थिए ।

नहरमा पानीको बहाब उच्च रहेकाले उनी सोही नहर खसेको हुन सक्ने आशंकामा प्रहरीले नहरको पानी बन्द गरेर उनको खोजी गरि रहेको थियो ।

स्वर्गीय नेपालका एक छोरा र एक श्रीमती रहेकी छिन् । उनका दाजु छवि नेपालको हिजो आईतवार काठमाण्डौमा निधन भएको छ ।