काठमाडौं । प्रतिनिधिसभा विघटनको मुद्दा सर्वोच्च अदालतसम्म पुगेको छ र यसपटक देशको ठूलो दल नेपाली कांग्रेसले पनि भदौ २७ गते गरिएको प्रतिनिधि सभा विघटनविरुद्ध रिट दायर गरेको छ । विघटित संसद्का प्रमुख सचेतक श्याम घिमिरेले अधिवक्ता तथा पूर्वमहान्यायाधिवक्ता खम्मबहादुर खातीलाई वारिसे बनाउँदै सर्वोच्च अदालतमा रिट दर्ता गराउने तयारी गरेका हुन् ।
कांग्रेसका तर्फबाट रिट दायर गर्ने जिम्मा निर्वाचन समिति संयोजक समेत रहेका अधिवक्ता खातीलाई दिइएको जनाइएको छ । काँग्रेस सभापति शेरबहादुर देउवा र एमाले अध्यक्ष केपी शर्मा ओलीबीच शुक्रबार महाराजगञ्जमा भएको भेटका कारण कांग्रेस पनि एमालेलाई साथ दिँदै विघटनविरुद्ध सर्वोच्च धाएको टिप्पणी राजनीतिक वृत्तमा भइरहेको छ ।
रिट निवेदनमा कांग्रेस संसदीय दलका प्रमुख सचेतक श्याम घिमिरे, सचेतक सुशीला थिङसहित कुल ८ जना सांसद सहभागी छन् । रिट सोमबार दर्ता हुने जनाइएको छ । यसअघि कांग्रेसले प्रतिनिधि सभा पुनर्स्थापनाको मागसहित हस्ताक्षर अभियान पनि सञ्चालन गरेको थियो ।
प्रतिक्रिया