पाल्पा । अविरल वर्षापछि खसेको पहिरोले पाल्पाको रम्भा गाउँपालिकाको फोक्सिङकोटमा आज बिहान २ घर पुरिँदा ५ जना वेपत्ता भएका छन् ।
पहिरोले हुमबहादुर गाहा र मनबहादुर गाहाको घर पुरेको छ । हुमबहादुर गाहाको परिवारका ५ सदस्य वेपत्ता भएका छन् ।
बेलौजा स्वास्थ्य चौकी नजिकै माथिबाट खसेको पहिरोले ती घरहरु पुरेको जिल्ला प्रशासन कार्यालय पाल्पाका प्रमुख जिल्ला अधिकारी रमेश न्यौपानेले खबरकुरालाई बताए ।
मनबहादुर गाहाको परिवारका ३ सदस्य भने भाग्न सफल भएको जिल्ला प्रहरी कार्यालय पाल्पाले जनाएको छ । प्रारम्भिक जानकारी प्राप्त हुने वित्तिकै उद्दारका लागि प्रहरी टोली परिचालन गरेको एसपी सन्तोष कुमार भट्टराईले जनाए ।
उता फोक्सिङ्कोटकै सुरुमडाँडामा पहिरोले घर पुर्दा एक जना गर्भवती महिला वेपत्ता भएकी छिन् । उनका श्रीमान भने ज्यान जोगाउन सफल भएका छन् ।
प्रतिक्रिया