काठमाडौं । नेत्रविक्रम चन्द ‘विप्लव’ नेतृत्वको नेकपा (माओवादी) र मिराज ढुंगाना नेतृत्वको जेनजी समूहबीच चार बुँदे सहमति भएको छ।
बिहीबार नेकपा महासचिव चन्द र जेनजी समूहका संयोजक ढुंगानाले सहमतिपत्रमा हस्ताक्षर गरेका हुन्।
सहमतिअनुसार सर्वपक्षीय सहमतिको आधारमा अन्तरिम सरकार गठनका लागि संयुक्त रूपमा संघर्ष गर्ने निर्णय गरिएको छ।
यस्तै, जेनजी विद्रोहका मागहरू पूरा गराउन आन्दोलन गर्ने, जनआन्दोलन र जनताको चाहनाअनुसार संविधान संशोधनको पहल गर्ने, स्थिर सरकार निर्माण, भ्रष्टाचारविरुद्ध विशेष न्यायिक निकाय गठन तथा राज्यको अग्रगामी पुनर्संरचनाका लागि संघर्ष गर्ने सहमतिमा उल्लेख छ।
स्मरणीय छ, ढुंगानाले आगामी फागुन २१ मा निर्वाचन गर्न नहुने भन्दै आन्दोलनमा उत्रिएका छन् । त्यसको ठिक विपरीत चन्द भने रोल्पाबाट प्रतिनिधिसभा निर्वाचनमा प्रत्यक्षमा उम्मेदवार बन्ने तयारीमा छन् ।
प्रतिक्रिया