बुटवल । लुम्बिनी प्रदेश सरकारले भोली बुधबार प्रदेशभर सार्वजनिक बिदा दिइने भएको छ । प्रदेश स्थापना दिवसको अवसरमा लुम्बिनी प्रदेश सरकारले सार्वजनिक बिदा दिइने भएको हो ।
लुम्बिनी प्रदेश सरकार, आन्तरिक मामिला तथा कानुन मन्त्रालयले प्रदेश राजपत्रमा प्रकाशित सूचना अनुसार मिति २०८२/१०/२१ गते बुधबार प्रदेश स्थापना दिवस परेकोले सो दिन सार्वजनिक बिदा दिने निर्णय गरिएको जनाएको छ ।
मन्त्रालयले जारी गरेको सूचनामा प्रदेश स्थापना दिवसको अवसरमा प्रदेश सरकार मातहतका सबै सरकारी कार्यालय, सार्वजनिक संघ-संस्था तथा शैक्षिक संस्थामा सार्वजनिक बिदा लागू हुने उल्लेख छ ।
सम्बन्धित सबैको जानकारीका लागि उक्त सूचना प्रकाशित गरिएको प्रदेश सचिव लोक बहादुर सुनारले हस्ताक्षरित विज्ञप्तिमा जनाइएको छ ।
प्रतिक्रिया