बुटवल । अबिरल वर्षा र पहिरोका कारण अवरुद्ध भएको सिद्धार्थ राजमार्गको बुटवल(पाल्पा सडकखण्ड एकतर्फी संचालनमा आएको छ।
शुक्रबार देखि अवरुद्ध रहेको सो सडकका ढुगा फोडेर एकतर्फी सडक सुचारु बनाइृएको प्रदेश ट्राफिक प्रहरी कार्यालय बुटवलले जनाएको छ । सडकमा ठूलो ढुंगालाई फोडेपछि दिउसो ३ः३० बजेपछि एकतर्फी गाडी चल्न थालेको प्रदेश ५ ट्राफिक प्रहरी कार्यालयका प्रवक्ता डीएसपी डिल्ली नारोयण पाण्डेले जानकारी दिए ।
प्रहरीका अनुसार बुटवल पाल्पा सडकको सिद्धबाबा देखि चरचरेसम्ममा मात्र करीब १ दर्जनभन्दा बढी स्थानमा खसेको पहिरो हटाईएको छ । अधिकांश स्थानमा एकतर्फी मात्रै गाडी चल्नसक्ने गरि सडक खुलेको डीएसपी पाण्डेले बताए ।
शुक्रबार देखि सडकमै अलपत्र परेका लामो लाईनमा रहेका गाडीहरु सुचारु भएपनि पटक पटक जाम हुने र खुल्ने गरेको एकजना प्रत्यक्षदर्शीले बताए ।
प्रतिक्रिया