काठमाडौं । नेपाली कांग्रेस (बीपी) औपचारिक रूपमा नेपाली कांग्रेसमा समाहित भएको छ।
आइतबार काठमाडौंमा आयोजित संयुक्त चुनावी सभाका क्रममा यो एकताको घोषणा गरिएको हो। काठमाडौं क्षेत्र नम्बर ५ र ६ को संयुक्त चुनावी सभामा नेपाली कांग्रेसका सभापति गगनकुमार थापाले कांग्रेस (बीपी)सँग पार्टी एकता भएको जानकारी दिएका छन् ।
एकता सहमतिपत्रमा थापा र कांग्रेस (बीपी)का सभापति सुशील शेरचनले सहमति पत्रमा हस्ताक्षर गरेका हुन्। कांग्रेस (बीपी)को नेतृत्व सुशीलमान शेरचनले गर्दै आएका थिए।
नेपाली कांग्रेसको गत पुस १३ गते बसेको कार्यसम्पादन समिति बैठकले विभिन्न कारणले पार्टी छोडेकाहरूलाई पुनः पार्टीमा फर्किन आह्वान गरेको थियो। सोही निर्णयपछि डडेलधुरा कांग्रेसले कांग्रेस (बीपी)लाई मूल पार्टीमा फर्कन आग्रह गरेको थियो।
यस एकतासँगै कांग्रेसले डडेलधुरा लगायतका जिल्लामा आफ्नो विगतलाई पुनस्थापित गर्ने अपेक्षा गरिएको छ।
प्रतिक्रिया