बुटवल । प्रतिनिधिसभा सदस्य निर्वाचनअन्तर्गत रुपन्देही क्षेत्र नम्बर-२ मा जारी मतगणनामा राष्ट्रिय स्वतन्त्र पार्टी (रास्वपा) का उम्मेदवार सुलभ खरेलले सुरुआतदेखि नै अग्रता कायम गरेका छन् ।
प्रारम्भिक मतपरिणामअनुसार खरेलले पूर्वअर्थमन्त्री तथा नेकपा (एमाले) का उम्मेदवार विष्णु पौडेललाई दुई हजारभन्दा बढी मतले पछि पारेका छन् । हालसम्मको गणनामा खरेलले ४ हजार ७४ मत प्राप्त गरेका छन् भने पौडेलले ८४५ मत पाएका छन् ।
नेपाली कांग्रेसका उम्मेदवार चुन्नप्रसाद शर्मा (पौडेल) ५०४ मतसहित तेस्रो स्थानमा रहेका छन् ।
बुटवल उपमहानगरपालिका-१ बाट गणना गरिएको १ हजार ८६५ मतमध्ये खरेलले १ हजार २९३ मत प्राप्त गरेका छन् । सोही क्षेत्रमा विष्णु पौडेलले २४५ र कांग्रेसका चुन्नप्रसादले १९९ मत पाएका छन् । नेकपाका उम्मेदवार विश्वदीप पाण्डेले ८ मत प्राप्त गरेका छन् ।
त्यस्तै तिलोत्तमा नगरपालिका-१ को मतगणनामा पनि खरेलले २ हजार ७८१ मत प्राप्त गर्दै अग्रता कायम गरेका छन् । सो क्षेत्रमा विष्णु पौडेलले ६०९ मत प्राप्त गरेका छन् भने नेकपाका विश्वदीप पाण्डेले ३५ मत पाएका छन् ।
निर्वाचन अधिकृत राजेन्द्र न्यौपानेका अनुसार रुपन्देही-२ मा कुल १ लाख ३५ हजार ५० मतदाता रहेका छन् । मतगणना जारी रहेको छ ।
प्रतिक्रिया