काठमाडौँ । काठमाडौं जिल्ला अदालतले नेकपा एमालेका सचिव महेश बस्नेतलाई पक्राउ गर्न मागिएको अनुमतिलाई अस्वीकार गरेको छ । जिल्ला प्रहरी परिसर काठमाडौँले बस्नेतलाई पक्राउ गर्नका लागि अनुमति माग गर्दै मिसिल पेस गरेकोमा काठमाडौँ जिल्ला अदालतबाट मिसिल प्रहरीलाई नै फकाइदिएको हो ।
बस्नेत विरुद्ध पक्राउ गर्ने अनुमति प्राप्त नभएको प्रहरी परिसर काठमाडौँका वरिष्ठ प्रहरी उपरीक्षक (एसएसपी) रमेश थापाले बताए ।
धादिङ घर भइ भक्तपुर बस्दै आएकी शोभा पाठकले जिल्ला प्रहरी परिसर, भद्रकालीमा दायर गरेको निवेदनका आधारमा तामेलीमा राखिएको जाहेरीलाई पक्राउ अनुमति माग गर्दै प्रहरीले अदालतमा पुनः मिसिल पेस गरेको थियो ।
न्यायाधीश ध्रुव कार्कीको बेन्चमा मिसिल पेस हुँदा अनुमति नदिइएको बताइएको छ ।
प्रतिक्रिया