नेपालगन्ज । नेपालगन्जबाट प्रहरीले ठुलो परिमाणको लागु औषध ब्राउन सुगरसहित ४ जनालाई पक्राउ गरेको छ । प्रहरीले १४१ ग्राम बढी ब्राउन सुगरसहित चार जनालाई पक्राउ गरेको हो ।
पक्राउ पर्नेहरुमा नेपालगन्ज-१६ जयसपुरका सोनु जोलाह, ईरफान जोलाह, मन्ना जोलाह र नेपालगन्ज १८ का सुमेर शेष रहेको जिल्ला प्रहरी कार्यालय बाँकेले जनाएको छ ।
जिल्ला प्रहरी कार्यालय बाँकेका अनुसार उनीहरुलाई नेपालगन्ज-१ राष्ट्रिय बाणिज्य बैंक नजिकबाट लागुऔषध नियन्त्रण ब्यूरो शाखा कार्यालय नेपालगन्ज र जिल्ला प्रहरी कार्यालय बाँकेको टोलीले पक्राउ गरेको हो । चेकजाँचका क्रममा पक्राउ परेकाहरुको साथबाट १४१ ग्राम ७९० मिलिग्राम ब्राउन सुगर बरामद भएको छ ।
पक्राउ परेकाहरुविरुद्ध लागुऔषध कसुरमा थप अनुसन्धान अगाडि बढाएको जिल्ला प्रहरी बाँकेले जानकारी दिएको छ ।
प्रतिक्रिया