कोहलपुर । नक्कली नोट र १९ किलो अफिम सहित कोहलपुरबाट प्रहरीले आफुलाई पत्रकार बताउने एकजना र एक महिला पक्राउ गरेको छ ।
सुर्खेतबाट खटिएको लागु औषध अनुसन्धान ब्युरोको टोलीले कोहलपुर ११ मा कार्यालय रहेको जनगर्जन नेटवर्क प्रालिबाट १ हजारका ५१ थान नक्कली नोट र १९ किलो अफिम सहित उनीहरुलाई पक्राउ गरेको हो । पक्राउ पर्नेमा कालिकोट घर भएका आफुलाई अनलाईन टिभी पत्रकार भन्ने मान बहादुर शाही (सहकारी) र बाफेकोट नपा वडा न १० रुकुमकी सपना पुन रहेका छन् । सहकारी अनलाइन टिभि पत्रकार लुम्बिनीका सहसचिव रहेको बताइएको छ ।
सुर्खेत र छिन्चु गरी ३ जना र बाँके जिल्ला स्थित कोहलपुर गरी कूल ४ जनालाई प्रहरीले पक्राउ गरेको कर्णाली प्रदेश प्रहरी प्रमुख प्रहरी नायव महानिरीक्षक माधव श्रेष्ठले बताए । पक्राउ परेकाहरुलाई अहिले केहीबेरमा सुर्खेत प्रहरीले सार्वजनिक गर्ने उनले जानकारी दिए । उनका अनुसार नियन्त्रण लिएका मध्ये १ जना महिला समेत छिन।
कर्णाली प्रदेश प्रहरीका अनुसार सुर्खेत र छिन्चुबाट १२ लाख ४९ हजार र ११ किलो अफिल तथा कोहलपुरमा १९ किलो अफिम र ५१ हजार नक्कली नोट फेला परेको हो । तस्वीर सौजन्य : साहारा टिभी खबर
प्रतिक्रिया