प्रतिनिधिसभाको वर्षे अधिवेशन सुरु, विपक्षी दलहरूबाट सरकारको विरोध 

काठमाडौं । संघीय संसद्अन्तर्गत प्रतिनिधिसभाको वर्षे अधिवेशन सुरु भएको छ । सिंहदरबारस्थित नयाँ संसद् भवनमा अधिवेशनको पहिलो बैठक सञ्चालन भइरहेको हो ।

बैठक आरम्भ हुनासाथ विपक्षी दलका सांसदहरु आ-आफ्नो आसनबाट उठेर विरोध जनाएका छन् । त्यसपछि सभामुख डोलप्रसाद अर्यालले आकस्मिक समय दिने वचन दिइसकेकाले बैठक सञ्चालनमा अवरोध नगर्न आग्रह गरे । तत्पश्चात् नेपाली कांग्रेस, नेकपा (एमाले) र श्रम संस्कृति पार्टीका सांसदहरुले आसन ग्रहण गरेपछि बैठक सुचारु भएको थियो ।

बैठकमा राष्ट्रपतिबाट अधिवेशन आह्वानसम्बन्धी पत्र वाचन गरिइएको छ । यसपछि विपक्षी दलका सांसदलाई आकस्मिक समयमा तीनरतीन मिनेट बोल्न समय दिइएको छ ।

विपक्षी दलबाट बोल्नेहरुले सरकारले अध्यादेशबाट शासन संचालन गर्न खोजेको, स्वेच्छाचारी बन्दै गएको, सुकुम्बासीमाथि अत्याचार गरेको जस्ता आरोप लगाएका छन् ।