आइतबार थपिए २२५३ नयाँ संक्रमित, सक्रिय संक्रमितको संख्या २२ हजार नाघ्यो

काठमाडौं । कोरोना भाइरसका नयाँ संक्रमित आइतबार फेरि जना थपिएका छन् ।

१२ हजार ७८४ पीसीआर परीक्षणमा २२ सय ५३ जनामा संक्रमण पुष्टि भएको स्वास्थ्य तथा जनसंख्यामन्त्रालयले जनाएको छ ।

मन्त्रालयमा आयोजित नियमित पत्रकार सम्मेलनमा प्रवक्ता प्राडा जागेश्वर गौतमले दिएको जानकारी अनुसार आइतबारसम्म देशभर कुल संक्रमितको संख्या ८६ हजार ८२३ पुगेको छ ।

आइतबार देशभर सक्रिय संक्रमितको संख्या २२ हजार २१९ रहेको छ । संस्थागत आइसोलेसनमा १० हजार ३२६ जना रहेका छन् भने होम आइसोलेसनमा ११८९३ जना संक्रमित रहेका छन् ।

थेगिनसक्नु गरी संक्रमितको संख्या बढ्दै जाँदा व्यवस्थापनमा समेत समस्या पर्न थालेको छ । संक्रमितहरु धेरैजसो होम आइसोलेसनमा बस्न थालेका छन् । यसरी होम आइसोलेसनमा बस्नेहरु अधिकांश लक्षण नदेखिएका र सामान्य लक्षण मात्रै देखिएका संक्रमितहरु बढी रहेका छन् ।

पछिल्लो २४ घण्टामा १३ सय २९ जना संक्रमित संक्रमणमुक्त भएका छन् ।