काठमाडौं । नेकपा एमालेको आज (शनिबार) बस्ने तय गरिएको सचिवालय बैठक सोमबारका लागि सारिएको छ।
एमाले अध्यक्ष केपी शर्मा ओलीले बिहीबार दिउँसो १ बजे आफ्नै निवास भक्तपुरको गुन्डुमा बस्ने गरी सचिवालय बैठक आह्वान गरेका थिए। तर भोलि जेठ ३ गते मनाइने मदन–आश्रित स्मृति दिवसका कार्यक्रमको तयारीमा नेताहरू व्यस्त हुनुपर्ने भएकाले बैठक स्थगित गरिएको एमालेले जनाएको छ।
पार्टी केन्द्रीय कार्यालय सचिव डा. भीष्मराज अधिकारीका अनुसार स्मृति दिवसका कार्यक्रमका लागि केही नेताहरू उपत्यकाबाहिर समेत जानुपर्ने भएकाले आजका लागि तय गरिएको बैठक सोमबारका लागि सारिएको हो।
यसअघि आज बस्ने बैठकमा देशको समसामयिक राजनीतिक अवस्था, संगठन सुदृढीकरण, केन्द्रीय नेताहरूको कार्यविभाजन, पार्टीको आगामी कार्यदिशा तथा बालेन्द्र सरकारका कामकारबाही, राष्ट्रिय हितका विषयमा समीक्षा गर्दै आवश्यक निर्णय गरिने सचिव महेश बस्नेतले जनाएका थिए ।
प्रतिक्रिया