काठमाडौं । विपक्षी दलहरूको अवरोधका कारण प्रतिनिधिसभाको बैठक सूचना टाँसेर भोलि ९मङ्गलबार० दिउँसो १ बजेसम्मका लागि स्थगित गरिएको छ ।
बैठक सुरु भएलगत्तै विपक्षी दलहरूले कार्यसूचीमा प्रवेश गर्न नदिएपछि सभामुखले पहिलो चरणमा १५ मिनेटका लागि बैठक स्थगित गरेका थिए । सहमतिको प्रयास सफल नभएपछि सङ्घीय संसद् सचिवालयले सूचना जारी गर्दै बैठक भोलिसम्मका लागि सारेको हो ।
सङ्घीय संसद् सचिवालयका महासचिव पद्मप्रसाद पाण्डेद्वारा जारी सूचनामा प्रतिनिधिसभाको अर्को बैठक मङ्गलबार दिउँसो १ बजे बस्ने उल्लेख गरिएको छ ।
विपक्षी दलहरूले प्रधानमन्त्री बालेन्द्र शाहले जेठ १७ गते प्रतिनिधिसभामा दिएको अभिव्यक्तिप्रति आपत्ति जनाउँदै बैठक अवरुद्ध गर्दै आएका छन् ।
प्रधानमन्त्री शाहले संसद्मा बोल्ने क्रममा “नेपालले पनि भारतको सीमा मिचेको छ” भन्ने अभिव्यक्ति दिएको भन्दै विपक्षी दलहरूले उक्त भनाइ संसद्को अभिलेखबाट हटाउन र प्रधानमन्त्रीले संसद्को रोष्ट्रममा उभिएर माफी माग्नुपर्ने माग राखेका छन् ।
विपक्षी दलहरूले आफ्ना माग सम्बोधन नभएसम्म संसद् अवरोध जारी रहने चेतावनी दिएका छन् ।
प्रतिक्रिया