बुटवल कोरोना बिशेष अस्पतालमा थप एकजना कोरोना संक्रमितको मृत्यु

बुटवल । बुटवलको कोरोना बिशेष अस्पतालमा थप १ जना कोरोना संक्रमितको मृत्यु भएको छ । बुटवल ४ का ८४ वर्षिय पुरुषको आज मध्यान्ह १ः२५ बजे मृत्यु भएको लुम्बिनी प्रादेशिक अस्पतालले जनाएको छ ।

कोरोना संक्रमण पछि होम आइसोलेसनमा बसेको उनी स्वास्थ्यमा समस्या आएपछि बुधबार दिँउसो कोरोना बिशेष अस्पतालमा भर्ना भएका थिए । उपचारमा सबै उपाय अपनाउंदा पनि उनलाई बचाउन नसकिएको अस्पतालका प्रवक्ता डा. बिष्णु गौतमले बताए ।

मृतकको स्थायी घर गुल्मी रुरुक्षेत्र गाँउपालिका १ भएपनि उनी केहि दिन देखि उनको बुटवल ४ स्थित आफ्नै घरमा बस्दै आएका थिए । उनीमा गत मंगलबार कोरोना पुष्टि भएको थियो । मृतकमा उच्च रक्तचाप, मधुमेह, मृगौला जस्ता दिर्घ रोग रहेको प्रवक्ता गौतमले बताए ।

बिहिबार थपिएका १ जना मृतक सहित रुपन्देहीमा मृतकको संख्या ३० पुगेको छ ।