काठमाडौं । प्रधानमन्त्री केपी ओलीका मुख्य राजनीतिक सल्लाहकार विष्णु रिमाल, परराष्ट्र सल्लाहकार राजन भट्टराई र प्रेस सल्लाहकार सूर्य थापाको पछिल्लो स्वाब परीक्षणको रिपोर्ट नेगेटिभ आएको छ ।
प्रधानमन्त्रीका प्रेस सल्लाहकार सूर्य थापाका अनुसार प्रमुख राजनीतिक सल्लाहकार विष्णु रिमाल, परराष्ट्र सल्लाहकार डा. राजन भट्टराइ तथा प्रेस सल्लाहकार थापाको सम्पर्कमा रहेका परिवारका सदस्यहरु समेतको विहीबार गरिएको स्वाब परीक्षणमा सबैको नेगेटिभ आएको थियो ।
‘हामीले कोरोना संक्रमण जितेका छौं, थापाले ट्वीट गरेका छन्, ‘हामीप्रति शुभेच्छा र सद्भावका निम्ति सबै महानुभावप्रति आभारी छौं ।’
प्रधानमन्त्रीकाे सरकारी निवास बालुवाटारमा रहेका सुरक्षाकर्मी, सचिवालयका केही सदस्यसहित यी सल्लाहकारहरूलाइ काेराेना भाइरस संक्रमित भएकाे थियाे ।
प्रधानमन्त्रीका मुख्य सल्लाहकार विष्णु रिमाल, परराष्ट्र सल्लाहकार डा. राजन भट्टराई र म प्रेस सल्लाहकार सूर्य थापाकाे पछिल्लाे स्वाब परीक्षणकाे रिपाेर्ट नेगेटिभ आएकाे छ ।
हामीले काेराेना संक्रमण जितेका छाैं ।
हामीप्रति शुभेच्छा र सद्भावका निम्ति सबै महानुभावप्रति आभारी छाैं ।— Surya Thapa (@ThapajiSurya) October 8, 2020
प्रतिक्रिया