काठमाडौं । गृह मन्त्रालयले संकटकाल र कर्फ्यु लाग्ने भन्ने कुरा गलत भएको स्पष्ट पारेको छ ।
सामाजिक सञ्जालमा, मोवाइल लगायतका विद्युतीय माध्यममार्फत संकटकाल र कर्फ्युको सूचना सम्प्रेषित भएको पाइएको भन्दै मन्त्रालयले त्यसलाई गलत, तथ्यहीन, भ्रामक र निराधार भनेको हो ।
आइतबार रातिदेखि सोमबार बिहानसम्म एयर ट्राफिक र सीमा सुरक्षा खतरा बढेको भन्दै अस्पतालबाहेकका सबै सेवा स्थगित गरिएको सन्देश जतासुकै पठाइएको थियो ।
गृहमन्त्रालयले सोमबार एक विज्ञप्ति प्रकाशित गरी यस्तो भ्रामक कुरा फैलाएको घटनालाई गम्भीरतापूर्वक लिई अनुसन्धान प्रक्रिया अघि बढाएको पनि जनाएको छ ।
प्रतिक्रिया