बर्दियामा बाघको आक्रमणबाट एक महिलाको ज्यान गयो

खबर कुरा
५ कार्तिक २०७७, बुधबार

बर्दिया । बर्दियामा बाघको आक्रमणबाट एक जना महिलाको ज्यान गएको छ । बर्दियाको मधुवन नगरपालिका वडा नं. ३ मा बाघको आक्रमणबाट एक महिलाको मृत्यु भएको हो ।

मधुवन-३ बस्ने २६ वर्षीया गङ्गा खत्रीलाई घाँस काट्ने क्रममा बाघले आक्रमण गरेको थियो । घर नजिकैको जङ्गलमा घाँस काट्न गएकी खत्रीलाई बाघले आक्रमण गर्दा उनको मृत्यु भएको जिल्ला प्रहरी कार्यालय बर्दियाले पुष्टि गरेको छ ।

नरभक्षि बाघले खत्रीलाई आक्रमण गरि नजिकै जंगलतिर घिसार्दै गरेको अवस्थामा सशस्त्र प्रहरीले थाहा पाएर हो हल्ला गरेपछि महिलाको लाश छाडेर बाघ जङ्गल पसेको प्रहरीले जनाएको छ ।

दुई हप्ताअघि पनि मधुवन नगरपालिकाकै माछा मार्न गएका एक किशोरको बाघको आक्रमणबाट ज्यान गएको थियो । साढे एक वर्ष अघिदेखि अहिलेसम्म बर्दिया निकुञ्ज मध्यवर्ती क्षेत्र र जिल्ला वन क्षेत्रमा पाटे बाघको आक्रमणबाट सात जनाको ज्यान गएको छ ।

 

यसमा तपाइको मत

Your email address will not be published. Required fields are marked *


*