काठमाडौं । सत्तारुढ नेपाल कम्युनिष्ट पार्टी नेकपाका नेता भीम रावलले प्रधानमन्त्री केपी शर्मा ओली र भारतीय गुप्तचर संस्था रअ का प्रमुख सामन्तकुमार गोयलबीच भेटवार्ता कुटनीति मर्यादा विपरित भएको टिप्पणी गरेका छन् ।
भेटबारे प्रधानमन्त्रीका प्रेस सल्लाहकारले प्रेस नोट जारी गरेलगत्तै नेता रावलले ट्वीट गर्दै भेटवार्ता कुटनीतिक मर्यादा विपरित भएको टिप्पणी गरेका हुन् ।
रावलले नेपालको भेटवार्ता नेपालको संविधानद्वारा निर्देशित परराष्ट्र नीति, स्वाधीनता र स्वाभिमान तथा सरकारको नेतृत्व गरिरहेको नेकपाको विचार, नीति र घोषणाको विपरीत भएको जिकिर गरेका छन् ।
नेपालको संविधानद्वारा निर्देशित परराष्ट्र नीति, स्वाधीनता र स्वाभिमान तथा सरकारको नेतृत्व गरिरहेको नेकपाको विचार,नीति र घोषणाको विपरीत भारतीय गुप्तचर रअ प्रमुखसंग नेपालका प्रधानमन्त्रीको जसरी वार्ता भयो र जस्तो समय र तरिकाले भ्रमण गराइयो यो आपत्तिजनक छ।कूटनीतिक मर्यादा विपरीत छ।
— Bhim Rawal, PhD (@BhimRawal179) October 22, 2020
रअ प्रमुख गोयल र प्रधानमन्त्री बीच बुधबार मध्यराति बालुवाटारमा भेटभएको थियो । पौने २ घण्टा भएको भेटमा गोयलले नेपाल भारत सम्बन्ध थप बिग्रन नदिन प्रतिवद्धता जनाएको प्रधानमन्त्रीका प्रेस सल्लाहकार सूर्य थापाले प्रेस नोटमा जनाएका छन् । गोयल बिहीबार बिहान स्वदेश फर्किएका छन् ।
प्रतिक्रिया