चितवन मेडिकल कलेजमा थप एक कोरोना संक्रमितको मृत्यु

चितवन । चितवनमा कोरोना भाइरसका थप एक संक्रमितको मृत्यु भएको छ । भरतपुरस्थित चितवन मेडिकल कलेजमा उपचाररत ७० वर्षीय पुरुषको आज (शुक्रबारबिहान) मृत्यु भएको हो ।

भरतपुर महानगरपालिका वडा नं. ७ निवासी ती पुरुषलाई यही कात्तिक २ गते स्वासप्रश्वास र मृगौलाको समस्या देखिएपछि अस्पतालमा भर्ना गरिएको थियो ।

सोही दिन उनको कोरोना संक्रमण पुष्टि भएको थियो । त्यसपछि सघन उपचार कक्षमा राखेर उपचार गर्दागर्दै आज बिहान ८ बजेर ४४ मिनेटमा मृत्यु भएको अस्पतालका निर्देशक डा. दयाराम लम्सालले जनाएका छन् ।

ती पुरुष मृगौला र उच्च रक्तचापका बिरामी थिए ।