काठमाडौं । सत्तारुढ दल नेपाल कम्युनिष्ट पार्टी (नेकपा) का अध्यक्ष पुष्पकमल दाहाल प्रचण्डले पर्सामा पार्टीका नेता मुकेश चौरासियाका हत्यारालाई कडा कारबाही गर्न माग गरेका छन् ।
अध्यक्ष प्रचण्डले बिहीबार विज्ञप्ति प्रकाशित गर्दै हत्या जस्तो जघन्य अपराधको मुद्दामा अनुसन्धान निकायबाट जाहेरी लिन नमान्नु आश्चर्यजनक भएको जनाएका छन् ।
केहीदिन अघि पर्साको बिध्यबासिनी गाउँपालिकामा नेकपाकै दुई समुहबीचको झडपमा घाइते भएका चौरासियाको उपचारको क्रममा मृत्यु भएको थियो ।
प्रचण्डले विज्ञप्तिमा भनेका छन्, ‘हत्या जस्तो जघन्य अपराध हुँदा समेत अनुसन्धानसँग सम्बन्धित स्थानीय निकायले मुद्दा दर्ता गर्न आनाकानी गर्नु आश्चर्यको विषय बनेको छ। म केन्द्र सरकारलाई अविलम्ब दोषीमाथि कारवाहीको प्रक्रिया अगाडि बढाउन आग्रह गर्दै मृतकप्रति हार्दिक श्रद्धाञ्जली र शोकाकुल परिवारजनमा समवेदना प्रकट गर्दछु।’
अध्यक्ष प्रचण्डले दोषी जोसुकै भएपनि कानूनी कारबाहीको दायरामा ल्याउन सरकारसँग जोडदार माग गरेका छन्।
उनले घटनाका सम्बन्धमा पार्टी जिल्ला कमिटीका इन्चार्ज, अध्यक्ष र सचिवका तर्फबाट हत्याको भत्र्सना गर्दै जारी विज्ञप्तिलाई कार्यकारी अध्यक्षको हैसियतले समर्थन समेत गरेका छन् ।
प्रतिक्रिया