झापा । बागमती प्रदेशका प्रदेश प्रमुख विष्णु प्रसाईलाई कोरोना भाइरस कोभिड-१९ को संक्रमण पुष्टि भएको छ ।
उनले मङ्गलवार पिसिआर रिपोर्ट पोजेटिभ आएको बताए ।
उनी प्रदेश प्रमुखको कार्यालय हेटौडाबाट दसैँमा झापाको मेचीनगरस्थित घर आएका थिए ।
विगत पाँच दिनदेखि शरीर दुख्ने, पसिना आउने जस्ता सामान्य लक्षण देखिएको र स्वास्थ्य अवस्था सामानय रहेको उनले बताए ।
हाल घरमै आइसोलेसनमा रहेका उनका छोरा राजेशलाई पनि कोरोना भाइरस कोभिड-१९ को संक्रमण पुष्टि भएको छ । रासस
प्रतिक्रिया