बुटवल । बुटवल बसपार्कमा ३ घण्टा बेवारिसे अवस्थामा रहेको झोलामा ११ तोला सुन फेला परेको छ ।
यही कात्तिक १२ गते मध्यान्हबाट बसपार्कमा देखिएको झोला कसैले नउठाएपछि प्रहरीले लगेकोमा झोलामा अन्दाजी ११ तोला सुनको गहना फेला परेको थियो ।
१२ गते अपरान्ह ५ बजे प्रहरीमा सैनामैनाका जीवन पोखरेलले आफ्नो भाउजु बिन्दु पोखरेलको झोला बुटवल बसपार्क नजिकैको भुडकिचोकबाट हराएको उजुरी दिएका दिएका थिए ।
उजुरीकै आधारमा प्रहरीले झोला खोज्दै जाँदा उजुरी परेको करिव ३ घण्टा पछि बुटवल बसपार्कमा बेवारिसे झोला फेला पारेको थियो । झोला खोलेर हेर्दा सुनका गरगहना फेला परेपछि ईलाका प्रहरी कार्यालयमा बुझाईएको थियो ।
आवश्यक प्रमाण बुझी फेला परेको झोला उजुरी कर्ता जिवन पोखरेललाई हस्तान्तरण गरिएको जिल्ला प्रहरी कार्यालय रुपन्देहीले जनाएको छ ।
सशस्त्र द्वन्द्वकालदेखि नै सडक किनारमा भेटिने बेवारिसे झोलाहरुमा बिस्फोटक पदार्थ भेटिने र बिस्फोटबाट जनधनको क्षति हुने गरेदेखि सर्वसाधारणले बाटोमा भेटिने झोला छुन डराउने गरेको पाइएको प्रहरीले बताएको छ ।
गहना सहितको झोला फेला परेपछि सुन धनी पोखरेलले प्रहरीलाई धन्यवाद व्यक्त गरेकी थिईन् ।
प्रतिक्रिया