कोहलपुर १ का कोरोना संक्रमित महिलाको नेपालगन्ज मेडिकल कलेजमा मृत्यु

नेपालगन्ज । नेपालगन्ज मेडिकल कलेज कोहलपुरमा उपचाररत कोहलपुरका १ जना महिलाको मृत्यु भएको छ । कोहलपुर नगरपालिका १ की ३२ वर्षीया महिलाको मृत्यु भएको हो ।

स्वास्थ्यमा समस्या देखिएपछि गत कार्तिक २५ गते मेडिकल कलेज भर्ना भएकी उनीमा २६ गते कोरोना संक्रमण पुष्टि भएको थियो । अस्पतालमा एन्टिबायोटिक, अक्सिजन लगायतको बिधिबाट उपचार गर्दापनि उनको मध्यराती १२ः१५ बजे मृत्यु भएको जिल्ला कोभिड संकट ब्यवस्थापन केन्द्र बाँकेका कोरोना फोकलपर्शन नरेस श्रेष्ठले जानकारी दिए ।

आज मृत्यु भएसँगै बाँकेमा कोरोना संक्रमण भएका मध्य ३६ जनाको मृत्यु भएको छ ।