रुपन्देहीमा बरामद भएका १० बोरा बढी पटाका प्रहरीबाट नष्ट

खबर कुरा
२९ कार्तिक २०७७, शनिबार

बुटवल । तिहारलाई लक्षित गर्दै रुपन्देहीका बिभिन्न नाकाबाट नेपाल भित्राउने क्रममा प्रहरीले बरामद गरेको पटाका आज नष्ट गरिएको छ । जिल्ला प्रहरी कार्यालयमा संकलन गरिएको १० बोरा भन्दा बढी पटाकाहरु नष्ट गरिएको जिल्ला प्रहरी कार्यालय रुपन्देहीले जनाएको छ ।

प्रहरी चाडपर्व लक्षित टोलिले रुपन्देहीको बेलहिया,बेथरी, लुम्बिनी र बुटवल क्षेत्रबाट बरामद गरेको पटाका जिल्ला प्रहरी कार्यालय परिसरमा पानीमा डुबाएर नष्ट गरिएको थियो । ती क्षेत्रहरुमा पछिल्लो १ सातामा प्रहरी टोलिले चेकजाँच गर्नेक्रममा १० बोरा भन्दा बढी पटाका बरामद गरेको थियो । प्रहरीले बरामद गरेको पटाकामा सामान्य झिरझिरे देखि मानविय क्षेति पु¥याउन सक्ने खालका लसुन बम सम्मका पटाका रहेका थिए ।

नेपालमा पटाका बनाउन, ओसारपसार गर्न र बेचबिखन गर्न प्रतिबन्ध लगाइृएको भएपनि तिहारको समयमा ठूलो परिमाणमा पटाका भित्रिने गरेको छ ।

बरामद भएको पटाका पानी हाली जमिन मुनी गाडी नष्ट गरिएको थियो ।

यसमा तपाइको मत

Your email address will not be published. Required fields are marked *


*