बलेवा । बागलुङका विभिन्न स्थानबाट १६ जना जुवाडेलाई प्रहरीले नियन्त्रण लिएको छ ।
आइतबार राति बागलुङ नगरपालिका ६, भान्सा र सोही वडाको ठूलढुङ्गा मा जुवा खेलिरहेको अवस्थामा नगदसहित उनीहरु पक्राउ परेका हुन् ।
ठूलढुङ्गाका तिलकबहादुर थापाको घरबाट ६७ हजार सात सय नगदसहित आठजना पक्राउ परेको प्रहरीले जनाएको छ । प्रहरीका अनुसार पक्राउ पर्नेमा सोही ठाउँका दिलबहादुर थापा, झकबहादुर थापा, यमबहादुर थापा, धनबहादुर थापा, तिलक थापा, दलबहादुर थापा, तीर्थबहादुर थापा र दिलबहादुर छन्त्याल छन् ।
यसैगरी बागलुङ नगरपालिका ६, भान्साका शिव केसीको घरमा जुवातास खेलिरहेको अवस्थामा आठजना पक्राउ परेको बागलुङका प्रहरी नायब उपरीक्षक राजेन्द्र रेग्मीले बताए । उनका अनुसार पक्राउ पर्नेमा सोही ठाउँका राजन सापकोटा, कुलबहादुर केसी, मानबहादुर केसी, रामकृष्ण सापकोटा, दीपक सापकोटा, ईश्वर केसी, सागर केसी र दीपेश सापकोटा छन् ।
उनीहरुको साथबाट ८५ हजार ६८० नगदसहित केही थान ताससमेत बरामद गरेको प्रहरी नायव उपरीक्षक रेग्मीले बताए । पक्राउ परेका सबैलाई कानुनबमोजिम कारबाही प्रक्रिया अघि बढाइएको पनि उनले बताए । रासस
प्रतिक्रिया