शनिबार थपिए कोरोना भाइरसका १६७४ संक्रमित, हालसम्म १३०५ जनाको मृत्यु

काठमाडौं । पछिल्लो २४ घण्टामा नेपालमा कोरोना भाइरसका १ हजार ६७४ जना नयाँ संक्रमित थपिएका छन् ।

स्वास्थ्य तथा जनसंख्या मन्त्रालयले शनिबार अपरान्ह अपडेट गरेको नयाँ तथ्यांक अनुसार देशभरका विभिन्न प्रयोगशालामा ८ हजार १४४ पीसीआर परीक्षण गर्दा ६६१ महिला र १०१३ पुरुषमा संक्रमण पुष्टि भएको हो ।

हालसम्म १६ लाख ५२ हजार ४३ पीसीआर परीक्षण गर्दा २ लाख १८ हजार ६३९ जनामा संक्रमण पुष्टि भैसकेको छ ।

शनिबारसम्म सक्रिय संक्रमितको संख्या २४ हजार ९ जना रहेको पनि मन्त्रालयले जनाएको छ ।

शनिबार निको हुनेको संख्या २३२३ रहेको छ । यससँगै देशभर कोरोना संक्रमणबाट निको हुनेहरु १ लाख ९३ हजार ३२५ पुगेका छन् ।

पछिल्लो २४ घण्टामा ७ जना संक्रमितको मृत्यु भएको छ । देशभर १३ सय ५ जनाको मृत्यु भएको मन्त्रालयले जनाएको छ ।