काठमाडौं । सोमबार थप १९८० जना व्यक्तिमा कोरोना भाइरसको संक्रमण देखिएको छ ।
स्वास्थ्य तथा जनसंख्या मन्त्रालयले अपरान्ह अपडेट गरेको पछिल्लो तथ्यांक अनुसार हालसम्म संक्रमित हुनेको संख्या २ लाख २२ हजार २८८ पुगेको छ ।
देशभरका प्रयोगशालामा पीसीआर परीक्षण कम हुँदा कोरोना संक्रमितको संख्या पनि निरन्तर घटिरहेको छ । हालसम्म १६ लाख ७० हजार ४५६ पीसीआर परीक्षण भएको मन्त्रालयले जनाएको छ । सोमबार १८ हजार ८८४ जना सक्रिय संक्रमित छन् ।
सोमबार ३ हजार ४३ जना संक्रमित निको भएका छन् । हालसम्म संक्रमण मुक्त हुनेको संख्या २ लाख २ हजार ६७ पुगेको छ ।
पछिल्लो २४ घण्टामा १६ जना कोरोना संक्रमितको मृत्यु भएको छ । यससँगै हालसम्म १३३७ जनाको मृत्यु भैसकेको छ ।
प्रतिक्रिया