काठमाडौं । मंगलबार कोरोना भाइरसका १ हजार ७९० नयाँ संक्रमित थपिएका छन् ।
स्वास्थ्य तथा जनसंख्या मन्त्रलायले बुधबार अपरान्ह अपडेट गरेको पछिल्लो तथ्यांक अनुसार १० हजार ८४३ पीसीआर परीक्षण गर्दा १ हजार ७९० नयाँ संक्रमित थपिएका हुन् । हालसम्म संक्रमित हुनेको संख्या २ लाख २४ हजार ७८ पुगेको छ ।
मंगलबार २ हजार ७९१ जना संक्रमण मुक्त भएका छन् । संक्रमित हुनेभन्दा संक्रमण मुक्त हुनेको संख्या १ हजार १ बढी छ । सक्रिय संक्रमितको संख्या १७ हजार ८५९ रहेको छ ।
हालसम्म २ लाख ४ हजार ८५८ जना संक्रमित निको भैसकेका छन् ।
पछिल्लो २४ घण्टामा मृत्यु हुनेको संख्या भने बढेको छ । यसबीचमा २४ जनाको मृत्यु भएको मन्त्रालयले जनाएको छ । यससँगै हालसम्म देशभर कोरोना संक्रमणबाट मृत्यु हुनेको संख्या १३६१ पुगेको छ ।
प्रतिक्रिया