काठमाडौं । नेपाल कम्युनिष्ट पार्टी नेकपाको सचिवालय बैठक जारी छ ।
प्रधानमन्त्री निवास बालुवाटारमा दिउँसो १ बजेदेखि सुरुभएको बैठकमा अध्यक्ष एवं प्रधानमन्त्री केपी शर्मा ओलीले आफ्नो प्रस्ताव पेश गरिरहेको प्रधानमन्त्रीका प्रेस सल्लाहकार सूर्य थापाले जानकारी गराएका छन् ।
गत कात्तिक २८ गते अध्यक्ष पुष्पकमल दाहाल प्रचण्डले पेश गरेको प्रस्तावको काउन्टर गर्दै तयार पारेको प्रस्ताव ओलीले पेश गरेका हुन् ।
विभाजनको संघारमा पुगको नेकपाको अबको बाटो समेत ओलीको प्रस्तावपछि क्लियर हुने देखिन्छ ।
नेकपाभित्र दुवै अध्यक्षका प्रस्तावलाई अघि बढाएर १८ गतेको स्थायी कमिटी र २५ गतेको केन्द्रीय कमिटीमा पुर्याउँदै बहुमत अल्पमतबाट छिनोफानो गरिन्छ या सहमतिका लागि दुवै प्रस्तावबाट नयाँ बाटोको खोजी गरिन्छ भन्ने संकेत आजको सचिवालय बैठकबाट तय हुने देखिन्छ ।
प्रतिक्रिया