बुटवल ७ की एकजना कोरोना संक्रमित महिलाको कोरोना बिशेष अस्पतालमा मृत्यु

बुटवल । बुटवल स्थित कोरोना बिशेष अस्पतालमा उपचाररत बुटवल ७ की एक जना कोरोना संक्रमित महिलाको मृत्यु भएको छ ।

मंसिर १३ गते अस्पताल भर्ना भएकी ५३ वर्षीय महिलाको मध्यराती २ः१५ बजे मृत्यु भएको लुम्बिनी प्रादेशिक अस्पतालका प्रवक्ता डा. विष्णु गौतमले जानकारी दिए । स्वास्थ्यमा समस्या आएपछि अस्पताल मंसिर ११ गते अस्पताल पुगेकी उनीमा ११ गते नै कोरोना संक्रमण पुष्टि भएको थियो । उनी पहिले देखि नै मधुमेहको बिरामी रहेको समेत डा. गौतमले बताए ।

आज मृत्यु भएसँगै रुपन्देहीमा कोरोना संक्रमणबाट मृत्यु हुनेको संख्या १२० पुगेको छ ।