काठमाडौं । नेपाली राष्ट्रिय क्रिकेट टोलीले अमेरिका र ओमानसँग एकदिवसीय सिरिज खेल्ने भएको छ ।
आईसीसी क्रिकेट विश्वकप लिग-२ अन्तर्गत दोस्रो सिरिजमा नेपालले ओमान र अमेरिकासँग एकदिवसीय सिरिज खेल्ने भएको हो ।
नेपालले सन् २०२१ को मार्चमा ओमान र अमेरिकासँग खेल्ने एकदिवसीय सिरिजको खेल तालिकाका आईसीसीले सार्वजनिक गरेको छ । मार्च १९ देखि २८ सम्म ओमानले आयोजना गर्नेछ ।
आइसिसीले मंगलबार कोरोना भाइरसका कारण रोकिएका प्रतियोगिताको नयाँ तालिका सार्वजनिक गरेसँगै नेपालको खेल तय भएको हो ।
यही सिरिजमार्फत नेपाल लामो समयपछि अन्तर्राष्ट्रिय क्रिकेटमा फर्किनेछ । नेपालले सन् २०२० को सुरुमा थाइल्याण्डमा भएको एसिसी टी-२० कप खेलेयता कुनै पनि अन्तर्राष्ट्रिय खेल खेलेको छैन ।
प्रतियोगितामा १० खेल खेलेको ओमान १६ अंकसहित शीर्ष स्थानमा रहँदा ४ खेल खेलेको नेपाल २-२ जित र हारको नतिजा सहित ४ अंकको साथ सातौं स्थानमा छ ।
यो प्रतियोगिताको शीर्ष दुईमा रहने टोलीले सन् २०२३ मा भारतमा हुने एकदिवसीय विश्वकपमा सिधै स्थान बनाउने छन् ।
प्रतिक्रिया