काठमाडौं । सत्तारुढ नेपाल कम्युनिष्ट पार्टी (नेकपा) ओली सुमहले आगामी वर्षको मंसिरमा महाधिवेशन आयोजना गर्ने भएको छ ।
अध्यक्ष एवं प्रधानमन्त्री केपी शर्मा ओलीले २०७८ साल मंसिर २ गतेदेखि ७ गतेसम्म महाधिवेशन आयोजना गर्ने प्रस्ताव आफ्नो समुहका केन्द्रीय सदस्यहरुको बैठकमा राखेका छन् ।
ओली समुहले महाधिवेशन आयोजना गर्न ११ सय ९९ सदस्यीय केन्द्रीय महाधिवेशन आयोजक कमिटी गठन गरेको छ ।
बैठकले ओली समुहको प्रवक्ता प्रदीप ज्ञवालीलाई बनाएको । नेकपाको प्रवक्ता नारायणकाजी श्रेष्ठलाई हटाएर ज्ञवालीलाई प्रवक्ता बनाउने निर्णय भएको सो समुहका एक नेताले बताएका छन् । ज्ञवाली परराष्ट्रमन्त्री समेत हुन् ।
ओली समुहको बैठकले दुई दिनभित्रै सातै प्रदेशमा कार्यकर्ता भेला गर्ने निर्णय गरेको छ । भेलाका लागि केन्द्रीय नेताहरु खटाइएको छ । जसअनुसार पूर्व माओवादी नेता टोपबहादुर रायमाझीलाई गण्डकी प्रदेशमा तोकिएको छ ।
पूर्व माओवादी नेता लेखराज भट्टसहित प्रदीप ज्ञवालीलाई सुदुरपश्चिमा खटाइएको छ भने कर्णालीमा शंकर पोखरेल र यामलाल कँडेल खटिएका छन् । प्रदेश २ मा सुमन प्याकुरेल जाने भएका छन् भने बागमत प्रदेशमा आनन्द पोखरेलले भेलाको संयोजन गर्ने भएका छन् ।
प्रतिक्रिया