काठमाडौं । सरकारले राष्ट्रिय सभाको बैठक आह्वानका लागि राष्ट्रपतिसमक्ष सिफारिस गर्ने निर्णय गरेको छ ।
शुक्रबार बेलुका बसेको मन्त्रिपरिषद् बैठकले राष्ट्रिय सभाको बैठक यहि पुस १७ गते बोलाउन सिफारिस गरेको कृषि मन्त्री पद्मा अर्यालले जानकारी दिइन् ।
प्रतिनिधिसभा विघटन गरेको सरकारले राष्ट्रिय सभाको अधिवेशन आह्वानका लागि राष्ट्रपतिलाई सिफारिस गरेको हो । संविधान अनुसार एउटा अधिवेशनको समाप्ति र अर्को अधिवेशनको प्रारम्भका बीचको अवधि ६ महिनाभन्दा बढी हुने छैन ।
प्रतिनिधिसभा विघटन गरेका प्रधानमन्त्री ओलीका लागि राष्ट्रिय सभाको बैठक आह्वान गर्नुको विकल्प थिएन । संविधानअनुसार राष्ट्रिय सभा संघीय संसदको कहिल्यै भंग हुन नसक्ने माथिल्लो सदन हो ।
प्रतिक्रिया