काठमाडौं । खुकुरी प्रहार गरी लुटपाट गर्ने पाँच जना पक्राउ परेका छन । महानगरीय अपराध महाशाखाको टोलीले उनीहरुलाई पक्राउ गरेको हो ।
मैतिदेविस्थित सन्दुस बचत तथा ऋण सहकारी संस्थामा मार्केटिङको काम गर्ने २५ वर्षीय प्रेम गजमेरले बजारबाट संकलन गरेर ल्याएको एक लाख ६५ हजार नौं सय रुपैयाँ खुकुरी प्रहार गरी लुटेर फरार भएका थिए ।
पक्राउ पर्नेहरुमा काठमाडौं महानगरपालिका-२७ कमलाक्षी, असनका २९ वर्षीय रोहन नेपाली शाही, काठमाडौं-२६ नरदेबिका २२ वर्षीय अभय तुलाधर, २७ वर्षीय अमित तुलाधर, रोहित शाही, जुम्ला सिंजा गाँउपालिकामा-२ का २६ वर्षीय हरि शर्मा रहेका छन ।
सहकारीका कागजात र चेकबुकसहित रकम संकलन गरेर चाबहिल पुगेको अवस्थामा गजमेरलाई खुकुरी प्रहार गरी घाईते बनाई लुटपाट गरेका थिए । पक्राउ परेकाहरुले स्कुटर प्रयोग गरी अपराध गर्ने गरेको तथ्य पत्ता लागेको महाशाखाले जनाएको छ ।
प्रारम्भिक अनुसन्धानको क्रममा उक्त समूहले उपत्यकाका बिभिन्न स्थानबाट मोटरसाइकल तथा स्कुटर समेत चोरी गरी गर्दै आएको खुलेको महाशाखाले जनाएको छ ।
उनीहरुको साथबाट २६ हजार तीन सय रुपैयाँ, घटनामा प्रयोग भएको बा. ५९ प. २९५६ नम्बरको चोरीको स्कुटर, रामपुरी चक्कु थान २
बा. ८४ प. ९२६९ नम्बरको जिक्सर मोटरसाइकल, तीन थान मोबाईल, बा. ५३ प. ५८५५ नम्बरको स्कुटर, बा. ५४ प. ५८३३ नम्बरको स्कुटर, बा.६२ प ६२२ स्कुटर, बिभिन्न बैकका चेकहरु फेला परेको महाशाखाले जनाएको छ ।
उनीहरु विरुद्ध मुद्धा दर्ता गरी महानगरीय प्रहरी वृत्त गौशालामा राखि थप अनुसन्धान भईरहेको छ ।
प्रतिक्रिया