प्रतिनिधि सभा विघटन विरुद्धका रिटमाथि संवैधानिक इजलासमा सुनुवाइ जारी

काठमाडौं । प्रतिनिधि सभा विघटनविरुद्ध सर्वोच्च अदालतमा परेका रिटमाथिको सुनुवाइ जारी छ ।

प्रधानन्यायाधीस चोलेन्द्र शमशेर जबराको नेतृत्वमा रहेको पाँच सदस्यीय संवैधानिक इजलासमा सुनुवाइ सुरु भएको हो। इजलासमा न्यायाधीशहरु हरिकृष्ण कार्की, विश्वम्भरप्रसाद श्रेष्ठ, अनिल कुमार सिन्हा र तेजबहादुर केसी छन्।

अहिले प्रतिनिधिसभा विघटनको विरूद्धमा परेका रिटमाथि पक्ष र विपक्षमा बहस सुरू भएको छ ।

सरकारको तर्फबाट महान्यायाधीवक्ता अग्नि खरेल र वरिष्ठ अधिवक्ता सुशील पन्तसहितका वकिलहरूले बहसमा भाग लिएका छन् ।

विपक्षीहरूको तर्फबाट भने अधिकांश वरिष्ठ अधिवक्ताहरू समेत सहभागि हुँदैछन् ।

सर्वोच्च अदालतले बहसको प्रत्यक्ष प्रसारण गरेको छ ।अदालत परिसरको प्रतीक्षालयमा माइक जोडेर बहस सुन्ने व्यवस्था मिलाइएको छ । यस्तै, नेपाल बार एसोसिएसन भित्रको हलमा पनि  इजलासको भिडिओ लाइभ गरिएको छ।