नेपालगन्ज । नेपाल कम्यूनिष्ट पार्टी (नेकपा) का प्रचण्ड -नेपाल पक्षका अध्यक्ष माधव कुमार नेपालले केपी अोलीको घमण्डका कारण जुटेको नेकपा विभाजित भएको बताएका छन् । आईतबार बाँकेको नेपालगन्जमा आयोजित अगुवा कार्यकर्ता प्रशिक्षण कार्यक्रममा बोल्दै पुर्वप्रधानमन्त्री समेत रहेका अध्यक्ष नेपालले प्रधानमन्त्री ओलीलाई दुर्योधन जस्तै अर्काको कुरा नसुन्ने घमण्डी, पाखण्डी, अत्याचारी र तानाशाही प्रवृत्तीका नेता भएको बताए ।
ओलीलाई दृष्टिकोण र चिन्तनमा समस्या भएको बताउँदै अध्यक्ष नेपालले पार्टीको सिद्धान्त, विचार र नीतिमा हिड्न नजान्ने ब्यक्तिलाई नेता मान्न नसकिने बताए।
उनले संसद विघटन संविधान विपरित भएको बताउँदै कुनै पनि हालतमा संसद विघटन नहुने दावी गरे । संविधान विपरित भएका निर्णयलाई सर्वोच्च अदालतले खारेज गर्ने विश्वास ब्यक्त गर्दै नेपालले जनताको ताकतबाट संसद पुनस्थापना गरीछाड्ने प्रतिवद्धता समेत व्यक्त गरे ।
संविधान र गणतन्त्रको रक्षार्थ आन्दोलन जरुरी रहेको बताउँदै नेता नेपालले आन्दोलनलाई शसक्त बनाउँदै गाँउ-गाँउ, बस्ती-बस्तीमा संघर्षका कार्यक्रमहरु संचालन गर्न नेता तथा कार्यकर्ताहरुलाई निर्देशन समेत दिए ।
पुर्व एमाले र माओवादीलाई भर्याङ बनाएर सत्तामा पुगेका ओलीले कहिलै पनि पार्टी एकिरकरणको पक्षमा काम नगरेको नेपालले आरोप लगाए
प्रतिक्रिया