काठमाडौं । नेपाल कम्युनिस्ट पार्टी (नेकपा)का सहसंयोजक तथा पूर्वप्रधानमन्त्री माधवकुमार नेपालले केवल भावनात्मक अभिव्यक्तिले कम्युनिस्ट शक्तिहरूबीच एकता सम्भव नहुने बताएका छन् ।
आइतबार जननेता मदन भण्डारीको ७५औँ जन्मजयन्तीका अवसरमा आयोजित कार्यक्रममा सम्बोधन गर्दै उनले कम्युनिस्ट एकताका लागि सबैभन्दा पहिले आपसी विश्वास र मन मिल्न आवश्यक रहेको बताए ।
मदन भण्डारीको भनाइ उद्धृत गर्दै उनले भने, “कुराले चिउरा भिज्नेवाला छैन । चिउरा भिजाउनका लागि कि त दही चाहिन्छ, कि त दूध चाहिन्छ ।”
उनले वर्तमान राजनीतिक यथार्थलाई स्वीकार गर्दै साझा एजेन्डामा सहमति गरेर अघि बढ्नुपर्ने धारणा राखे। विगतका कमजोरी र विसंगतिबारे सबै कम्युनिस्ट दलले आत्मसमीक्षा र आत्ममन्थन गर्नुपर्नेमा उनले जोड दि ए।
“एउटा पार्टीका लागि मात्रै होइन, नेपालका सबै कम्युनिस्ट घटकले आफ्नै पार्टीभित्र आत्ममन्थन र आत्मचिन्तन गर्नुपर्छ,” उनले भने, “त्यसपछि मात्रै सही निष्कर्षमा पुगेर कम्युनिस्टहरूलाई एक ठाउँमा ल्याउन सकिन्छ। भावनाको कुरा गरेर मात्र हुँदैन ।”
प्रतिक्रिया