जनकपुर । प्रचण्ड-नेपाल नेतृत्वको नेपाल कम्युनिष्ट पार्टी नेकपाद्वारा आयोजित आम हड्तालको क्रममा जनकपुरमा प्रहरी र प्रदर्शनकारीबीच झडप भएको छ ।
झडपका क्रममा नेकपा नेता रामचन्द्र झा घाइते भएका छन् । टाउकोमा चोट लागेका झाको प्रादेशिक अस्पताल जनकपुरमा उपचार गरिएको छ । झासहित अन्य केही नेता घाइते भएको नेकपाले जनाएको छ ।
जनकपुरको शिव चोकमा प्रहरी र प्रदर्शनकारीबीच झडप भएको थियो । त्यसक्रममा प्रदर्शनकारीले ज १ च १५७० नम्बरको मालसमान ढुवानी गर्ने गाडी र ना १ क ५१२ नम्बरको प्रहरीको भ्यानमा तोडफोड गरेका छन्।
झडपलाई नियन्त्रणमा लिन पनि प्रहरीले लाठीचार्ज र केही सेल अश्रु ग्यास पनि प्रहार गरेको थियो ।
प्रतिक्रिया