काठमाडौं । कोरोना भाइरस (कोभिड-१९) विरुद्धको खोप ‘कोभिशिल्ड’ अहिलेसम्म एक लाख ७१ हजार ४ सय ८६ जनाले लगाएका छन् ।
स्वास्थ्य तथा जनसङ्ख्या मन्त्रालयका प्रवक्ता डा.जागेश्वर गौतमले २ सय १ खोपकेन्द्रबाट अहिलेसम्म एक लाख ७४ हजार ४ सय ८६ जनाले लगाएको जानकारी दिए ।
उनकाअनुसार प्रदेश नम्बर १ मा २३ हजार ८२ जना, प्रदेश नम्बर २ मा २२ हजार ७ सय ५६ जना, बागमती प्रदेशमा ५९ हजार ९ सय ४२ जना, गण्डकी प्रदेशमा १७ हजार ३ सय १५ जना, लुम्बिनी प्रदेशमा २६ हजार ८ सय ९८ जना, कर्णाली प्रदेशमा आठ हजार ६ सय ८४ जना र सुदूरपश्चिम प्रदेशमा १२ हजार ८ सय ९ जनालाई खोप दिइएको छ ।
यही माघ १४ गतेबाट पहिलो चरणमा प्राथमिकता परेका व्यक्तिलाई लगाउँदै आएको खोप (आज) शनिबार समापन गरिँदैछ । प्रवक्ता डा गौतमले खोपको दोस्रो चरणबारे चाँडै जानकारी गराइने बताए ।
प्रतिक्रिया