बर्दिया । बर्दिया ठाकुरबाबा नगरपालिका ५ शाहिपुरमा ट्रिपरको ठक्करबाट मोटरसाईल चालकको मृत्यु भएको छ । साँझ ६ः५० बजे भुरिगाँउबाट ढोढरी जाँदै गरेको ट्रिपरले बिपरित दिशाबाट आउंदै गरेको मोटरसाईकललाई ठक्क्र दिंदा मोटरसाईकल चालक कोहलपुर नगरपालिका ८ का नवराज बुढाथोकीको मृत्यु भएको हो ।
भे १ क १४ ८८ नम्बरको ट्रिपरले भे १० प २६४७ नम्बरको मोटरसाइकल चालक बुढाथोकीलाई लिंकरोडको बिच्चैमा ठक्कर दिएको थियो । बुढाथोकीको उपचारकालागि नजिकको स्वास्थ्य संस्थामा लैजाँदै गर्दा मृत्यु भएको जिल्ल ट्राफिक प्रहरी कार्यालय बर्दियाले जनाएको छ ।
मोटरसाईकललाई ठक्कर दिए लगत्तै चालक ट्रिपर छाडेर फरार भएका थिए । ठक्कर दिने ट्रिपरलाई नियन्त्रणमा लिएर चालकको खोजि सुरु गरिएको जिल्ला ट्राफिक प्रहरी कार्यालयका प्रहरी नायव निरिक्षक लोकेन्द्र मल्लले जानकारी दिए ।
प्रतिक्रिया