काठमाडौं । सर्वोच्च अदालतले प्रतिनिधिसभा विघटन मुद्दामा फैसला सुनाउने दिन नजिकिँदै गएको समयमा प्रधानसेनापति पूर्णचन्द्र थापा र प्रधानन्यायाधीस चोलेन्द्र शमशेर जबराबीच भेट भएको छ ।
प्रधानन्यायाधी जबरालाई भेट्न प्रधानसेनापति थापा सोमबार दिउँसो सर्वोच्च अदालत गएका हुन् । दिउसो १ बजे अदालत गएका थापा एकघण्टा जति बसेपछि फर्किएका थिए ।
भेटवार्तामा के विषयमा छलफल भयो भन्ने खुलाइएको छैन । तर सर्वोच्च अदालत स्रोतले भने सर्वोच्चको नयाँ भवन बन्न लागेको जमिन सेनाको जग्गामा समेत पर्ने भएका कारण छलफलका लागि प्रधानन्यायाधीसले बोलाएको बताएको छ । सरकारी जग्गा प्राप्तिका लागि प्रधानसेनापतिसँग छफलल भएको स्रोतले बताएको छ ।
सर्वोच्चले प्रतिनिधिसभा विघटन विरुद्धको फैसला सुनाउने अन्तिम घडी नजिकिँदै गएकै समय पारेर सेनाप्रमुखको अदालत प्रवेशले कतिपयलाई तरङ्गित बनाएको छ ।
प्रतिक्रिया