प्रतिनिधिसभाका सांसदले ३ महिनाको तलब एक्कैपटक बुझ्दै

काठमाडौं । प्रतिनिधिसभाका सांसदहरुले ३ महिनाको तलब एकमुष्ट पाउने भएका छन् ।

सर्वोच्च अदालतले प्रतिनिधिसभा पुनर्स्थापना गर्ने फैसला गरेपछि सबै सांसदहरुले पुष ५ गतेयताको तलब बुझ्ने भएका हुन् । उनीहरुले

संसद सचिवालयका प्रवक्ता रोजनाथ पाण्डेका अनुसार पुषको बाँकी अवधी, माघ र फागुनका तलब सांसदहरुको खातामा जम्मा हुनेछ । सरकारले पुष ५ गते प्रतिनिधिसभा विघटन गरेपछि यसअघि सांसदहरुले पुषको ५ दिनको मात्र तलब पाएका थिए ।

अब, सबै सांसदले संसद नचलेको अवधिको पनि तलब पाउने भएका हुन् । कहिल्यै भंग नहुने भएका कारण राष्ट्रिय सभाका सांसदहरुले भने नियमित तलब पाउँदै बुझ्दै आएका छन् ।

एक जना सांसदको तलब मासिक ५५ हजार २३० रुपैयाँ रहेको छ ।