काठमाडौं । सरकार र नेत्रविक्रम चन्द विप्लव नेतृत्वको नेपाल कम्युनिष्ट पार्टी नेकपाबीच वार्ता सफल भएपछि राष्ट्रिय सभागृहमा आज विशेष कार्यक्रमको आयोजना गरिएको छ ।
कार्यक्रममा सरकार र विप्लव समुहबीच सम्झौतापत्रमा हस्ताक्षर सम्पन्न हुनेछ । हस्ताक्षर समारोहपछि प्रधानमन्त्री केपी शर्मा ओली र विप्लवले सम्बोधन गर्ने कर्याक्रम रहेकोछ ।
सभागृह पुग्नुअघि विप्लवले बालुवाटार पुगेर प्रधानमन्त्री ओलीलाई भेट गरेका थिए । त्यसअघि विप्लवसहितका नेताहरुले सामाखुशीस्थित गोंगबु आवास क्षेत्रको एक घरमा आफ्ना नेताहरुसँग छलफल गरेका थिए ।
सरकार र विप्लव समुहबीच बुधबार र बिहीबार भएको तीन चरणको वार्ता सम्पन्न भएपछि विप्लव सार्वजनिक भएका हुन् ।
दुई वर्ष अघि ओली सरकारले नै विप्लव नेकपालाई प्रतिबन्ध लगाएको थियो । वार्ता सम्पन्न भए लगत्तै सो समुहका गिरफ्तार नेता कार्यकर्तालाई सरकारले रिहा गरिरहेको छ ।
प्रतिक्रिया