बुटवल । नेपाली कांग्रेसका प्रमुख सचेतक बालकृष्ण खाँणले प्रधानमन्त्री केपी ओली नियुक्ति भएकै दिनदेखि संविधानमाथि प्रहार सुरु भएको बताएका छन् ।
दलित पत्रकार संघको प्रथम केन्द्रीय अधिवेशनको उदघाटन कार्यक्रमलाई बुटवलमा सम्बोधन गर्दै प्रमुख सचेतक खाँणले प्रधानमन्त्री ओलीले प्रधानमन्त्रीमा नियुक्त भएकै दिन देखि नागरिकहरुको बोल्ने अधिकार वैचारिक स्वतन्त्रता र स्वतन्त्र पत्रकारमाथि प्रहार गरेर मिडिया विधेयक ल्याएको आरोप लगाए ।
उनले सरकारले गुठी सम्बन्धी विधेयक ल्याएर संस्कृतिमाथि प्रहार भएको र सरकारले मानव अधिकारको धज्जि उडाईरहेको उल्लेख गर्दै सरकार संविधानको विपरित कानुन बनाउन उद्देत देखिएको बताए ।
कांग्रेस नेता खाँणले देशमा बढ्दै गरेको बलात्कार र हिंसाप्रति सबै संवेदनसिल हुन आवश्यक रहेको तर्फ औंल्याउँदै हिंसा र वलात्कारजन्य घटनाप्रति सरकारलाई गम्भीर हुन आग्रह गरे ।
‘सरकार किन संविधानका रक्षाका लागि प्रतिवद्धता जनाउदैन ?’, उनले प्रश्न गरे, ‘यो ज्यादै नै गंभीर विषय छ ।’
नेता खाँणले नेपालमा कुनैपनि वादमा उभिएर निरंकुशता, अधिनायकवाद स्थापित गर्न नसकिने बताए । ‘असली मयुर सडकमा दौडिरहेका छन् र नक्कलि मयुर सिंह दरवारमा बसिरहेका छन्उ’, नले भने ।
नेपालको संघीय गणतन्त्रलाई कसैले समाप्त गर्न नसक्ने बताउंदै खाँणले बहुवादको आधारमा बहुदलीय लोकतन्त्र शासन प्रणाली कसैले सिध्याउन नसक्ने ठोकुवा गरे ।
प्रतिक्रिया