नेपालगञ्ज । सुर्खेतका ३१ वर्षीय पुरुषको कोरोना संक्रमणका कारण नेपालगञ्जमा मृत्यु भएको छ ।
एक हप्ताअघि भारतबाट आएका सुर्खेत गुर्भाकोटका ३१ वर्षीय पुरुषको कोरोना संक्रमणबाट आज बिहान नेपालगञ्जमा मृत्यु भएको हो ।
एक हप्ताअघि भारतबाट आएका पुरुषको स्वास्थ्यमा समस्या आएपछि चैत्र ३१ गते नेपालगञ्ज मेडिकल कलेजमा ल्याइएको थियो ।
त्यहाँ पीसीआर जाँच गर्दा पोजिटिभ देखिएपछि उनलाई भेरी अस्पतालमा भर्ना गरिएको थियो ।
उनको आज बिहान ७ः३५ बजे भेरी अस्पतालमा मृत्यु र उनमा कुनै दीर्घरोग नभएको अस्पतालले जनाएको छ ।
बाँकेमा अहिलेसम्म बाहिरी जिल्लाबाट उपचार गराउन आउँदा मृत्यु हुनेको संख्या ९३ जना पुगेको छ ।
प्रतिक्रिया