कपिलवस्तु । कपिलवस्तुको बुद्धभूमि नगरपालिकामा मंगलबार बुटवलबाट कृष्णनगर जाँदै गरेको बस र विपरित दिशाबाट आउँदै गरेको ट्रक ठोक्किँदा घाइते भएका बसचालको मृत्यु भएको छ ।
बुद्धभूमि नगरपालिका वडा नं.९ मा मंगलबार बिहान १०ः५० बजेको समयमा लु१ख ५६८४ नम्बरको बस र ना४ख ३०१२ नम्बरको ट्रक आपसमा ठोक्किएका थिए ।
दुर्घटनामा बसका चालक वाणगंगा नगरपालिका वडा ं. १ का २९ वर्षीय कृष्णबहादुर कुँवरको मृत्यु भएको कपिलवस्तुका प्रहरी प्रवक्ता डिएसपी धर्मराज भण्डारीले जनाएका छन् । कुँवरको उपचारको क्रममा मृत्यु भएको हो ।
यस्तै, २३ जना यात्रु घाइते भएका छन् । घाइतेमध्ये सामान्य चोट लागेकालाई स्थानीय बुद्ध पोलीक्लिनिक, चौराह अस्पताल लगायत स्थानीय स्वास्थ्य संस्थामा उपचार गरिएको छ । अन्यलाई थप उपचारका लागि बुटवल पठाइएको प्रहरीले बताएको छ ।
प्रतिक्रिया