बुटवल । रुपन्देहीको सैनामैनामा एक जना कोरोना संक्रमितले कोरोना अस्थायी अस्पतालमै आत्महत्या गरेका छन्।
सैनामैना नगरपालिकाले वनकट्टामा सञ्चालन गरेको कोरोना अस्थायी अस्पतालमा सैनामैना रानिबगियाका ४० वर्षीय पुरुषले झुण्डिएर लगाएर आत्महत्या गरेको प्रहरी कार्यालय मुर्गियाले जनाएको छ ।
प्रहरीका अनुसार ती पुरुषले अस्थायी अस्पतालकै शाैचालयमा पासो लगाएको अवस्थामा फेला परेका थिए । मृतक १६ गते देखि सो कोरोना अस्थायी अस्पतालमा भर्ना थिए ।
अस्पतालमा रहँदा सबैसँग घुलमिल गर्ने र मिजासिला उनी आइसोलेसन अवधि पुरा गरेर एकदुईदिनमा घर जाने अवस्थामा रहेको सैनामैना नगरपालिकाका स्वास्थ्य शाखा प्रमुख हेमराज पन्थीले बताए । शुक्रबार दिनभरी अस्पतालले संचालन गरेको योग शिविर, प्रवचन लगायतमा सक्रिय सहभागी भएका उनी बिहान पासो लगाएको अवस्थामा फेला परेको पन्थीले जानकरी दिए ।
मृतकको शव पोष्टमार्टमका लागि बुटवल पठाइएको प्रहरीले जनाएको छ।
प्रतिक्रिया